వెన్నెల కిశోర్‌, అనన్య నాగళ్ల ప్రధానపాత్రధారులుగా రూపొందుతోన్న క్రైమ్‌ కామెడీ థ్రిల్లర్‌ శ్రీకాకుళం షెర్లాక్ హోమ్స్. రైటర్‌ మోహన్‌ దర్శకుడు. వెన్నపూస రమణరెడ్డి నిర్మాత. ప్రమోషన్‌లో భాగంగా ఈ చిత్రంలోని పాటను మేకర్స్‌ విడుదల చేశారు. ప్రేమించానే పిల్లా.. నిన్ను ప్రేమించానే పిల్ల.. లవ్‌ అంటారా పిల్లా.. కాదు లైఫ్‌ అంటారే పిల్లా అంటూ సాగే ఈ పాటను పూర్ణాచారి రాయగా, సునీల్‌ కశ్యప్‌ స్వరపరిచారు. రాహుల్‌ సిప్లిగంజ్‌ ఆలపించారు. విభిన్న కథాంశంతో రూపొందుతోన్న ఈ చిత్రం అందరికీ నచ్చుతుందని మేకర్స్‌ నమ్మకం వ్యక్తం చేస్తున్నారు. సియా గౌతమ్‌, స్నేహా గుప్తా, రవితేజ మహాద్యం తదితరులు ఇతర పాత్రలు పోషిస్తు న్నారు. ప్రస్తుతం ఈ సినిమా నిర్మాణంలో ఉన్నది. ఈ చిత్రానికి కెమెరా: మల్లికార్జున్‌ ఎన్‌., సమర్పణ: లాస్య రెడ్డి, నిర్మాణం: శ్రీ గణపతి సినిమాస్‌.
