స్పైడ‌ర్ మ్యాన్ సినిమా వ‌స్తే చాలు పిల్ల‌లు టీవీల‌కు అతుక్కుపోతారు. ఒళ్లుగ‌గుర్పొడిచే స్పైడ‌ర్ మ్యాన్ సాహ‌సాలను చూసి పెద్ద‌వాళ్లు సైతం అలాంటిది ఒక్క‌రు కాదు ఇద్ద‌రు కాదు ఏకంగా వేలాది మంది స్పైడ‌ర్ మ్యాన్‌లు కంట‌ప‌డితే, ఆ దృశ్యాన్ని మాట‌ల్లో వ‌ర్ణించ‌లేం. అచ్చం అర్జెంటీనాలో అలాంటి సంఘ‌ట‌నే జ‌రిగింది. సుమారు వెయ్యి మందికి పైగా స్పైడ‌ర్ మ్యాన్ మాదిరిగా డ్రెస్సులు ధ‌రించి వీధుల్లోకి వ‌చ్చారు. దాంతో, జ‌న‌మంతా చ‌ప్ప‌ట్లు కొడుతూ, గ‌ట్టిగా అరుస్తూ వాళ్ల‌తో న‌డిచారు. ఇంత‌కు అంత‌మంది ఎందుకు స్పైడ‌ర్ మ్యాన్ వేషంలో క‌నిపించారో తెలుసా?. అక్టోబర్ 29 ఆదివారం నాడు 1,000 మంది స్పైడ‌ర్ మ్యాన్ గెట‌ప్‌లో అక్క‌డి ఒబెలిస్క్ విగ్ర‌హం వ‌ద్ద జ‌మ‌య్యారు. అర్జెంటీనా ఇన్‌ఫ్లుయెన్స‌ర్ యుకీ డియానే ఈ కార్య‌క్ర‌మాన్ని నిర్వ‌హించాడు. ఒక బ‌హిరంగ ప్ర‌దేశంలో వేల సంఖ్య‌లో స్పైడ‌ర్ మ్యాన్ వేష‌ధార‌ణ‌తో వరల్డ్ రికార్డు బ్రేక్ చేయాల‌నేది ఈ ప్రోగ్రాం ఉద్దేశం. సోనీ పిక్చర్స్ ఎంట‌ర్‌టైన్‌మెంట్ కంపెనీ ఈ కార్య‌క్ర‌మాన్ని అర్గ‌నైజ్ చేసింది. అయితే రికార్డు మాట ఏమోగానీ మొత్తానికి అర్జెంటీనా వీధుల‌న్ని సూప‌ర్ హీరో వేష‌ధారుల‌తో స‌రికొత్త‌గా క‌నిపించాయి. ఈ ఏడాది జూన్ 3వ తేదీన మ‌లేషియాలో 685 మంది స్పైడ‌ర్ మ్యాన్ వేషంలో ఒక్క‌చోట చేరి గిన్నిస్ వరల్డ్ రికార్డు నెల‌కొల్పారు.
