నిఖిల్‌ కథానాయకుడిగా నటిస్తున్న భారీ పీరియాడికల్‌ ఫిల్మ్‌ స్వయంభూ. సంయుక్తమీనన్‌, నభా నటేశ్‌ కథానాయికలుగా. భరత్‌కృష్ణమాచారి దర్శకుడు. భువన్‌, శ్రీకర్‌ నిర్మాతలు. ఈ చిత్రం తాజా షెడ్యూల్‌ మారేడుమిల్లిలోని అందమైన లొకేషన్స్‌లో మొదలైంది. అక్కడి దట్టమైన అడవులలో నిఖిల్‌పై కీలక సన్నివేశాలను చిత్రీకరిస్తున్నారు. కథలో ఈ సన్నివేశాలు చాలా కీలకమని మేకర్స్‌ చెబుతున్నారు.
ఎంతో అంకితభావంతో నిఖిల్‌ ఈ పాత్రను పోషిస్తున్నారని, ఈ పాత్రకోసం యుద్ధవిద్యల్లో ప్రావీణ్యత కూడా సాధించారని, ఇందులో నిఖిల్‌ డైనమిక్‌ పెర్‌ఫార్మెన్స్‌ని చూస్తారని, వెండితెరపై అద్భుతమైన అనుభూతికి లోనుచేసే సినిమా ఇదని దర్శకుడు తెలిపారు. నటిస్తున్న ఈ చిత్రానికి కెమెరా: కె.కె.సెంథిల్‌కుమార్‌, సంగీతం: రవి బస్రూర్‌, సమర్పణ: ఠాగూర్‌ మధు, నిర్మాణం: పిక్సెల్‌ స్టూడియోస్‌.
