ఆకాశ్‌ హీరోగా నటిస్తున్న యాక్షన్‌ ఎంటైర్టెనర్‌ తల్వార్. కాశీ పరశురామ్‌ దర్శకుడు. ఇ.ఎల్‌.వి.భాస్కర్‌ నిర్మాత. ఈ చిత్రం షూటింగ్‌ హైదరాబాద్‌లో పూజా కార్యక్రమాలతో లాంఛనంగా మొదలైంది. ముహూర్తపు సన్నివేశా నికి స్టార్‌ రైటర్‌ విజయేంద్రప్రసాద్‌ క్లాప్‌ ఇవ్వగా, డైరెక్టర్‌ కె.ఎస్‌.రవీంద్ర(బాబీ) కెమెరా స్విచాన్‌ చేశారు. హీరో కార్తికేయ స్క్రిప్ట్‌ని దర్శకుడికి అందజేశారు. బుచ్చిబాబు సాన తొలి సన్నివేశానికి దర్శకత్వం వహించారు. సినిమా బాగా రావాలని, మంచి విజయం సాధించాలని అతిథులందరూ ఆకాంక్షించారు. త్వరలోనే రెగ్యులర్‌ షూటింగ్‌ ప్రారంభిస్తామని, యాక్షన్‌ ఎంటైర్టెనర్స్‌లో ఇదో వినూత్న ప్రయోగమని, మిగతా వివరాలు త్వరలో తెలియజేస్తామని దర్శకుడు చెప్పారు. ఈ చిత్రానికి కెమెరా: త్రిలోక్‌ సిద్ధు, సంగీతం: కేశవకిరణ్‌, నిర్మాణం: వార్నిక్‌ స్టూడియోస్‌.
