ఆస్కార్ అవార్డుల్లో భారత్ బోణీ కొట్టింది. బెస్ట్ డాక్యుమెంటరీ షార్ట్ ఫిల్మ్ విభాగంలో ద ఎలిఫెంట్ విష్పరర్స్ షార్ట్ ఫిల్మ్ కేటగిరీలో ఆస్కార్ అవార్డును సొంతం చేసుకున్నది. దీనిని డాక్యుమెంటరీని దర్శకురాలు కార్తికి గోన్సాల్వేస్ రూపొందించారు. నెట్‌ఫ్లిక్స్‌ సంస్థ డిస్ట్రిబ్యూట్ చేసింది. ఈ అవార్డు కోసం ద ఎలిఫెంట్ విష్పరర్స్‌తోపాటు హావ్‌లౌట్‌ , హౌ డూ యూ మెజర్ ఏ ఇయర్?, ద మార్థా మిచెల్ ఎఫెక్ట్, స్ట్రేంజర్ ఎట్ ద గేట్ డాక్యుమెంటరీలో పోటీపడ్డాయి. అయితే చివరికి ద ఎలిఫెంట్ విష్పరర్స్‌ను ప్రతిష్ఠాత్మక ఆస్కార్ పురస్కారం వరించింది. ఏనుగులు, వాటి సంరక్షకుల మధ్య ఉండే అనుబంధాన్ని ఈ డాక్యుమెంటరీ ద్వారా తెరకెక్కించారు.
