కేంద్ర కేబినెట్‌ హోదాలో మంత్రి పదవిని చేపట్టాక తొలిసారిగా తెలంగాణ రాష్ట్రానికి వస్తున్న కేంద్ర పర్యాటక శాఖ మంత్రి జి.కిషన్‌రెడ్డి ఘనస్వాగతం పలికేందుకు ఏర్పాట్లు చేస్తున్నట్లు ప్రేమేందర్‌ వెల్లడిరచారు. ఈ నెల 16న కోదాడకు రానున్న కిషన్‌రెడ్డి వివిధ జిల్లాల్లో పర్యటించి 18న హైదరాబాద్‌కు చేరుకుంటారని తెలిపారు. 16న కోదాడలో పర్యటించి ఆ రోజు రాత్రి ఖమ్మంలో బసచేస్తారని, 17న మహబూబాబాద్‌, నర్సంపేట, ములుగు మీదుగా వరంగల్‌లోని రామప్ప దేవాలయానికి చేరుకుంటారని చెప్పారు. 18న జనగామ నుంచి యాదగిరిగుట్ట లక్ష్మీనర్సింహస్వామి ఆలయానికి, అక్కడి నుంచి భువనగిరి, ఘట్‌కేసర్‌ మీదుగా హైదరాబాద్‌లోని రాష్ట్ర పార్టీ కార్యాలయానికి చేరుకుంటారన్నారు.
