కంచర్ల ఉపేంద్ర, సావిత్రి కృష్ణ జంటగా నటిస్తున్న చిత్రం ఉపేంద్ర గాడి అడ్డా. ఆర్యన్‌ సుభాన్‌ ఎస్‌.కె దర్శకత్వం వహించిన ఈ చిత్రాన్ని కంచర్ల అచ్యుతరావు నిర్మించారు. ఈ చిత్రం ట్రైలర్‌ను నిర్మాత కె.ఎల్‌.దామోదర ప్రసాద్‌ ఆవిష్కరించారు. దర్శకుడు చిత్ర విశేషాలు తెలియజేస్తూ సోషల్‌ మీడియాను సన్మార్గంలో ఉపయోగిస్తే సమాజ వికాసానికి కృషి చేయొచ్చని, లేకపోతే దుష్పరిణామాలు చోటుచేసుకుంటాయనే అంశాన్ని ఈ సినిమాలో చర్చించాం అన్నారు. హీరో కంచర్ల ఉపేంద్ర మాట్లాడుతూ సమాజానికి చక్కటి సందేశాన్నందించే చిత్రమిదని తెలిపారు. డిసెంబర్‌ 1న విడుదలకానుంది. ఈ చిత్రానికి సినిమాటోగ్రఫీ: రవీందర్‌ సన్‌, సంగీతం: అద్దంకి రాము, దర్శకత్వం: ఆర్యన్‌ సుభాన్‌ ఎస్‌.కె.
