విజయ్‌ ఆంటోని హీరోగా రూపొందిన చిత్రం హిట్లర్‌. ధన దర్శకుడు. డీటీ రాజా, డీఆర్‌ సంజయ్‌కుమార్‌ నిర్మాతలు. రియా సుమన్‌, గౌతమ్‌ వాసుదేవ్‌ మీనన్‌ కీలక పాత్రలు పోషిస్తున్నారు. ఈ చిత్రం టీజర్‌ని చిత్రబృందం విడుదల చేశారు. టీజర్‌ని బట్టి చూస్తే ఇది యాక్షన్‌ థ్రిల్లర్‌ అని అర్థమవుతున్నది. ఓ రాజకీయ నాయకుడు, అతడ్ని వేటాడే ఓ కిల్లర్‌, ఆ కిల్లర్‌ ప్రయత్నాలను అడ్డుకునే ఓ పవర్‌ఫుల్‌ పోలీస్‌ అధికారి, ఈ ముగ్గురి నేపథ్యంలో ఈ సినిమా కథ సాగుతుందని టీజర్ చెప్పేస్తున్నది. యాక్షన్‌తోపాటు విజయ్‌ ఆంటోనీ మార్క్‌ లవ్‌ ట్రాక్‌ కూడా ఈ కథలో ఉన్నట్టు తెలుస్తున్నది. కిల్లర్‌గా విజయ్‌ ఆంటోనీ లుక్‌, కేరక్టరైజేషన్‌, నటన సినిమాకు హైలైట్‌గా నిలుస్తాయని మేకర్స్‌ చెబుతున్నారు. సాంకేతికంగా కూడా నెక్స్‌ లెవల్లో సినిమా ఉంటుందని, త్వరలోనే పాన్‌ ఇండియా స్థాయిలో సినిమాను విడుదల చేస్తామని చిత్రబృందం చెపుతున్నది. ఈ చిత్రానికి కెమెరా: నవీన్‌ కుమార్‌.ఐ, సంగీతం: సి.ఉదయ్‌కుమార్‌.
