స్టార్‌ హీరోయిన్‌ లావణ్య త్రిపాఠి ప్రధాన పాత్రలో నటిస్తున్న చిత్రం హ్యాపీ బర్త్‌డే. నరేష్‌ అగస్త్య, సత్య, వెన్నెల కిషోర్‌ తదితరులు కీలక పాత్రలు పోషించారు. తాజాగా ట్రైలర్‌ను ప్రముఖ దర్శకుడు రాజమౌళి విడుదల చేశారు. అనంతరం ఆయన మాట్లాడుతూ చెర్రీకి ఈ సినిమాపై అవగాహన ఉందన్నారు. ఆయన ఏ సంస్థకైనా ఆస్సెట్‌ లాంటి వ్యక్తి అన్నారు. ఈ సినిమా మంచి సక్సెస్‌ను అందించాలన్నారు. లావణ్యత్రిపాఠి బాగా నటించిందన్నారు. దర్శకుడు మాట్లాడుతూ నా మొదటి చిత్రం టీమ్‌తోనే మళ్లీ పనిచేశానని అన్నారు. దాని కంటే ఈ సినిమాలో డబుల్‌ఫన్‌, డబుల్‌ యాక్షన్‌, డబుల్‌ థ్రిల్‌ ఉంటుందన్నారు. హీరోయిన్‌ లావణ్య త్రిపాఠి మాట్లాడుతూ ఇదొక డిఫరెంట్‌ ఫిల్మ్‌ అని అన్నారు. నిర్మాత కొత్తగా ఆలోచిస్తేనే ఇలాంటి మూవీ తెరపైకి వస్తుందన్నారు. తాను ఈ తరహా పాత్రలో నటిస్తానని అనుకోలేదన్నారు. నా క్యారెక్టర్‌ కంప్లీట్‌గా కొత్తగా ఉంటుందన్నారు. ఈ చిత్రాన్ని రితేష్‌ రానా రూపొందిస్తున్నారు. క్లాస్‌ ఎంటర్‌టైన్‌మెంట్‌ సంస్థ ప్రముఖ నిర్మాణ సంస్థ మైత్రీ మూవీ మేకర్స్‌తో కలిసి నిర్మిస్తోంది. నవీన్‌ యెర్నేని, రవిశంకర్‌ యలమంచిలి సమర్పణలో చిరంజీవి, హేమలత పెదమల్లు నిర్మిస్తున్నారు. ప్రపంచ వ్యాప్తంగా ఈ చిత్రం జులై 8న విడుదల కాబోతోంది. ఈ కార్యక్రమంలో సురేష్‌ సారంగం, రవితేజ తదితరులు పాల్గొన్నారు.
