అనసూయ, సాయి కుమార్, సుమన్, ఆమని తదితరులు ప్రధాన పాత్రల్లో నటిస్తున్న సినిమా అరి. మై నేమ్ ఈజ్ నో బడీ అనేది ఉపశీర్షిక. ఈ చిత్రాన్ని ఆర్వీ రెడ్డి సమర్పణలో ఆర్వీ సినిమాస్ పతాకంపై శ్రీనివాస్ రామిరెడ్డి, శేషు మారంరెడ్డి నిర్మిస్తున్నారు. జయశంకర్ దర్శకుడు. తాజాగా ఈ సినిమా నుంచి చిన్నారి కిట్టయ్య సిత్రాల కిట్టయ్య అనే పాటను హరేకృష్ణ గోల్డెన్ టెంపుల్ అధ్యక్షులు శ్రీ సత్య గౌరవ్ చంద్రదాస్ చేతుల మీదుగా విడుదల చేశారు. ఈ కార్యక్రమంలో నటుడు సాయి కుమార్ పాల్గొన్నారు. అనూప్ రూబెన్స్ స్వరపర్చిన ఈ పాటకు కాసర్ల శ్యామ్ సాహిత్యాన్ని అందించగా మంగ్లీ పాడారు. పాట విడుదల సందర్భంగా గీత రచయిత కాసర్ల శ్యామ్ మాట్లాడుతూ ఈ పాటలో కృష్ణ తత్వాన్ని చిన్న చిన్న పదాలతో అందంగా చెప్పే అవకాశం నాకు దక్కింది. మన ఇళ్లలో చిన్న పిల్లలను కృష్ణ రూపాలుగానే చూస్తాం. భగవద్గీత చదివితే కృష్ణతత్వంలో మనకు తెలియని ఎన్నో విషయాలు తెలుస్తాయి. ఈ పాట సినిమాకు ఆకర్షణ అవుతుంది అన్నారు.
ఈ చిత్రానికి రచన ఉదర్శకత్వం :జయశంకర్, సమర్పణ : ఆర్వీ రెడ్డి, నిర్మాతలు : శ్రీనివాస్ రామిరెడ్డి , శేషు మారం రెడ్డి , సంగీతం : అనుప్ రూబెన్స్ , ఎడిటర్ : జి. అవినాష్ , సాహిత్యం : కాసర్ల శ్యాం , వనమాలి, కొరియోగ్రఫీ – భాను, జీతు, ప్రొడక్షన్ డిజైనర్ : రాజీవ్ నాయర్ , స్టైలిస్ట్ : శ్రీజ రెడ్డి చిట్టిపోలు, సినిమాటోగ్రఫీ : శివశంకర వరప్రసాద్, పీఆర్వో – జీఎస్కే మీడియా.
