సత్యదేవ్‌, కన్నడ నటుడు డాలీ ధనంజయ నటిస్తున్న మోస్ట్‌ అవైటెడ్‌ మల్టీస్టారర్‌ జీబ్రా. లక్‌ ఫేవర్స్‌ ది బ్రేవ్‌ అనేది ఉపశీర్షిక. ఈశ్వర్‌ కార్తీక్‌ దర్శకుడు. ఎస్‌.ఎన్‌.రెడ్డి, ఎస్‌.పద్మజ, బాలసుందరం, దినేష్‌ సుందరం నిర్మాతలు. ఈ సందర్భంగా ప్రధాన పాత్రలను పరిచయం చేస్తూ మోషన్‌ పోస్టర్‌ని విడుదల చేశారు. ఈ పోస్టర్‌లోనే రిలీజ్ డేట్‌ని అనౌన్స్‌ చేశారు. సత్యరాజ్‌, సత్య అక్కల, జెన్నిఫర్‌ పిసినాటో, సునీల్‌, ప్రియా భవానీశంకర్‌, డాలీ ధనంజయ, సత్యదేవ్‌లను ఈ పోస్టర్ పరిచయం చేసింది. కాయిన్‌ తిప్పడం, కరెన్సీ నోట్లు, ైఫె ్లఓవర్‌ బ్రిడ్జిపై నుంచి కారు దూకడం వంటి డైనమిక్‌ ఎలిమెంట్స్‌ ఈ పోస్టర్‌లో కనిపిస్తున్నాయి. అక్టోబర్‌ 31న దీపావళి కానుకగా సినిమా విడుదల కానుంది.ఈ చిత్రానికి కెమెరా: సత్య పొన్మార్‌, సంగీతం: రవి బస్రూర్‌, సహనిర్మాత: ఎస్‌.శ్రీలక్ష్మిరెడ్డి, నిర్మాణం: పద్మజ ఫిల్మ్స్‌ ప్రై.లిమిటెడ్‌, ఓల్డ్‌టౌన్‌ పిక్చర్స్‌.
