టాలీవుడ్ స్టార్ ద‌ర్శ‌కుడు సుకుమార్, ఐకానిక్ స్టార్ అల్లు అర్జున్ కాంబోలో వ‌స్తున్న తాజా చిత్రం పుష్ప 2 ది రూల్. ర‌ష్మిక మందాన్న క‌థానాయిక. ఈ సినిమాలో స్పెష‌ల్ సాంగ్ త‌ప్ప మిగతా షూటింగ్ కంప్లీట్ చేసుకున్న విష‌యం తెలిసిందే. అయితే తాజాగా ఈ స్పెష‌ల్ సాంగ్ షూట్ కూడా అయిపోయిన‌ట్లు తెలుస్తుంది.
టాలీవుడ్ న‌టి శ్రీలీలను ఈ సాంగ్ కోసం తీసుకున్న‌ట్లు వార్త‌లు వ‌చ్చిన విష‌యం తెలిసిందే. అయితే ఇదే వార్త ఇప్పుడు నిజం అయ్యింది. పుష్ఫ 2లో స్పెష‌ల్ సాంగ్ చేస్తుంది శ్రీలీల. తాజాగా ఈ మూవీలో శ్రీలీల స్పెష‌ల్ సాంగ్ చేస్తున్న‌ట్లు కొత్త పోస్ట‌ర్‌ను వ‌దిలారు మేక‌ర్స్. కిస్సిక్ అనే స్పెష‌ల్ సాంగ్‌లో శ్రీలీల చేయ‌బోతుండ‌గా, థియేటర్లు ద‌ద్ద‌రిల్లిపోవ‌డం గ్యారెంటీ అని తెలుస్తుంది. ఈ చిత్రం డిసెంబ‌ర్ 05న ప్రేక్ష‌కుల ముందుకు రానుంది.
