నాగచైతన్య, సాయిపల్లవి జంటగా నటిస్తున్న లవ్‌ అండ్‌ యాక్షన్‌ డ్రామా తండేల్‌. చందూ మొండేటి దర్శక త్వంలో బన్నీ వాసు నిర్మిస్తున్నారు. శ్రీకాకుళం జిల్లాలోని డి.మచ్చిలేశం గ్రామంలో జరిగిన యథార్థ సంఘట నల సమాహారం ఈ సినిమా. షూటింగ్‌ చివరి దశలో ఉంది. మేకర్స్‌ ప్రమోషన్స్‌ని వేగవంతం చేశారు. అందు లో భాగంగా ఈ సినిమా మ్యూజిక్‌ జర్నీని ప్రారంభించారు. ఈ నెల 21 ఈ సినిమాలోని ఫస్ట్‌ సింగిల్‌ బుజ్జి తల్లి సాంగ్‌ని విడుదల చేయనున్నట్టు మేకర్స్‌ ప్రకటించారు. ఈ సందర్భంగా ఓ పోస్టర్‌ని కూడా విడుదల చేశారు. లీడ్‌ పెయిర్‌ నాగచైతన్య, సాయిపల్లవి పాత్రల అనుబంధాన్ని ఆవిష్కృతం చేసేలా ఈ పోస్టర్‌ ఉన్నది. సంగీతానికి మంచి స్కోప్‌ ఉన్న కథతో ఈ సినిమా రూపొందుతున్నదని, దేవిశ్రీ ప్రసాద్‌ అద్భుతమైన సంగీతాన్ని అందించారని, ఇద్దరు ప్రేమికుల భావోద్వేగమే ఈ పాట అని మేకర్స్‌ తెలిపారు. ఈ చిత్రానికి కెమెరా: షామ్‌ దత్‌, సమర్పణ: అల్లు అరవింద్‌, నిర్మాణం: గీతాఆర్ట్స్‌.
