ప్రముఖ సెల్‌ఫోన్ల తయారీ సంస్థ యాపిల్‌కు షాక్ ఇస్తూ ఇండేనేషియా ప్రభుత్వం కీలక నిర్ణయం తీసుకున్నది. ఇండోనేషియా ప్రభుత్వం తీసుకున్న నిర్ణయంతో సంస్థతో పాటు ఆ సంస్థ ఫోన్లు వాడే వినియోగదారులకుఇబ్బందికర పరిస్థితులు ఏర్పడుతున్నాయి. ఇండోనేషియా ప్రభుత్వం తీసుకున్న కీలక నిర్ణయం ఏమిటంటే, యాపిల్ విడుదల చేసిన తాజా మోడల్ ఐఫోన్ 16పై నిషేధం విధించడం. తమ దేశంలో ఆ ఫోన్ విక్రయాలు, వినియోగంపై ప్రభుత్వం ఆంక్షలు పెట్టింది. ఐఫోన్ 16ను ఇతర దేశాల్లో కొనుగోలు చేసినా తమ దేశంలో వాడడంపైనా సర్కార్ నిషేధం విధించింది. ఇండోనేషియా పరిశ్రమల శాఖ మంత్రి గమివాంగ్ కర్తసస్మిత ఈ విషయం వెల్లడించారు. ఇండోనేషియాలో యాపిల్ ఐఫోన్ 16 వాడేండుకు ఐఎంఇఐ సర్టిఫికేషన్ లేదని మంత్రి తెలిపారు.
