
ప్రముఖ నిర్మాణ సంస్థ యష్రాజ్ ఫిల్మ్స్ తెరకెక్కిస్తున్న చిత్రం సయారా. అనీత్ పద్దా కథానాయికగా నటిస్తున్నది. దర్శకుడు మోహిత్ సూరి. ఈ సినిమా నుంచి బర్బాద్ అనే ప్రేమగీతాన్ని విడుదల చేశారు. దిరిష్ స్వరకల్పన చేస్తూ సాహిత్యాన్ని అందించాడు. జుబిన్ ఆలపించారు. ఈ సినిమా గురించి దర్శకుడు మోహిత్సూరి మాట్లాడుతూ న్యూఏజ్ లవ్స్టోరీ ఇది. నేటి యువత మనోభావాలకు అద్దంపట్టేలా ఉంటుంది. సంగీతభరిత ప్రేమకథా చిత్రంగా మెప్పిస్తుంది. బర్బాద్ పాటలో లోతైన భావాలున్నాయి. ప్రేమికుల గొప్పదనాన్ని చాటుతూ, ప్రణయబంధంలోని మాధుర్యాన్ని తెలియజేస్తుంది. ఓ హృద్యమైన ప్రేమకథగా సయారా అందరిని మెప్పిస్తుంది అన్నారు. జూలై 18న ఈ చిత్రం ప్రేక్షకుల ముందుకురానుంది.
