నిహారిక కొణిదెల సమర్పణలో రూపొందిన చిత్రం కమిటీ కుర్రోళ్లు. యదువంశీ దర్శకుడు. పింక్‌ ఎలిఫెంట్‌ పిక్చర్స్‌ ఎల్‌.ఎల్‌.పి, శ్రీరాధా దామోదర్‌ స్డూడియోస్‌ బ్యానర్స్‌పై రూపొందిన ఈ చిత్రం ప్రీ రిలీజ్‌ ఈవెంట్‌ హైదరాబాద్‌లో జరిగింది. నాగబాబు, వరుణ్‌తేజ్‌, సాయిదుర్గతేజ్‌, అడివిశేష్‌, వెంకీ అట్లూరి ఈ కార్యక్రమానికి అతిథులుగా విచ్చేసి చిత్ర యూనిట్‌కి శుభాకాంక్షలు అందించారు.
కొత్తదనం ఉన్న మంచి సినిమాలను తెలుగు ప్రేక్షకులు ఎప్పుడూ ఆదరిస్తూనే ఉన్నారు. కమిటీ కుర్రోళ్లు ఆ తరహా సినిమానే. ఇది గోదావరి చుట్టుపక్కల ప్రాంతాల్లో జరిగే కథ. నిహారిక మల్టీ టాలెంటెడ్‌. మంచి చిత్రాల ను నిర్మిస్తూ తన అభిరుచిని చాటుకుంటోంది. ఈ సినిమా నేను చూశాను. చాలా బాగుంది. ఈ నెల 9న రాబోతున్నది. మీకూ నచ్చుతుంది. తప్పకుండా చూడండి అంటూ మెగాస్టార్ చిరంజీవి వీడియో ద్వారా సందేశం ఇచ్చారు.
ఈ సినిమా విడుదలయ్యాక దర్శకుడు యదువంశీ పేరు ఎక్కువగా వినిపిస్తుంది. టెక్నికల్‌ టీమ్‌ మొత్తం మనసుపెట్టి పనిచేశారు. కొత్తవాైళ్లెనా అందరూ అద్భుతంగా నటించారు. కచ్చితంగా విజయం సాధిస్తుందనే నమ్మకంతో ఉన్నాం అని నిహారిక కొణిదెల ఆశాభావం వ్యక్తం చేసింది.
