అగ్ర కథానాయకుడు చిరంజీవి, శ్రీకాంత్‌ ఓదెల కాంబినేషన్‌లో సినిమా ఓకే అయింది. దీనికి కథానాయకు డు నాని సమర్పకుడిగా వ్యవహరిస్తున్నారు. గతకొంతకాలంగా ఈ ప్రాజెక్ట్‌ విషయమై సోషల్‌మీడియాలో వార్తలొస్తున్నాయి. తాజాగా ఈ మెగా సినిమాకు సంబంధించిన అధికారిక ప్రకటన వెలువడింది. యునానిమస్‌ ప్రొడక్షన్స్‌ పతాకంపై హీరో నాని సమర్పిస్తున్న ఈ చిత్రాన్ని నిర్మాత సుధాకర్‌ చెరుకూరి తెరకెక్కించబోతున్నా రు. ఈ సందర్భంగా విడుదల చేసిన పోస్టర్‌లో అతను హింసలోనే శాంతిని వెతుకుతాడు అనే క్యాప్షన్‌ ఆసక్తిని రేకెత్తిస్తున్నది. పవర్‌ఫుల్‌ యాక్షన్‌ డ్రామాగా ఈ సినిమాను తెరకెక్కించబోతున్నారని క్యాప్షన్‌ను చూస్తే అర్థమవుతున్నది. ఈ సినిమాకు సంబంధించిన మరిన్ని వివరాలను త్వరలో వెల్లడించనున్నారు.
