అజయ్ భూపతి దర్శకత్వం వహించిన తాజా సినిమా మంగళవారం. ఇందులో పాయల్ రాజ్‌పుత్ ఓ ప్రధాన పాత్రధారి. తెలుగు, తమిళ, కన్నడ, మలయాళ భాషల్లో రూపొందుతోంది. ముద్ర మీడియా వర్క్స్ పతాకంపై స్వాతి రెడ్డి గునుపాటి, సురేష్ వర్మ .ఎం నిర్మిస్తున్నారు. నందిత శ్వేత, కృష్ణ చైతన్య, అజయ్ ఘోష్ కీలకపాత్రల్లో నటిస్తు న్నారు . ఈ సినిమా టీజర్ విడుదల చేశారు.
మంగళవారం టీజర్ నిడివి 60 సెకన్లకు కొంచెం ఎక్కువ. అయితే, ఆ సమయంలో అజయ్ భూపతి చాలా అంశాలు చూపించి ఆసక్తి కలిగించారు. ఊరి ప్రజలు ఏం చూస్తున్నారు? అనేది ఓ ఇంట్రెస్టింగ్ టాపిక్ అయితే, ఏం చూశారండీ? అని లక్ష్మణ్ అడిగితే ఒరేయ్ పులి కాసేపు నువ్వు పువ్వు మూసుకుని గమ్మున ఉండరా అని అజయ్ ఘోష్ సమాధానం ఇచ్చారు. తుపాకీతో చైతన్య కృష్ణ గురి పెట్టడమూ చూపించారు. ఊరిలోకి పులి వచ్చిందా? లేదంటే ఏమైనా జరిగిందా? అనేది ప్రస్తుతానికి సస్పెన్స్. ఈ సినిమా సౌత్‌లోని అన్ని భాషల్లో విడుదల కానుంది. షూటింగ్‌ పూర్తి చేసుకున్న ఈ సినిమా ప్రస్తుతం పోస్ట్‌ ప్రొడక్షన్‌ పనులు జరుపుకుంటుంది.
