యానియా, అంకిత, అజయ్‌ ప్రధానపాత్రధారులుగా స్టీఫెన్‌ పల్లం స్వీయ దర్శకత్వంలో నిర్మిస్తున్న చిత్రం ఇంద్రాణి. ఈ సందర్భంగా ఈ సినిమా ట్రైలర్‌ని లాంచ్‌ చేశారు. ఇండియన్‌ సూపర్‌ ఉమన్‌ కథగా ఈ సినిమా ను తెరకెక్కిస్తున్నట్టు దర్శక,నిర్మాత తెలిపారు. ఇదొక ఎపిక్‌ లాంటి సినిమా అని, ఈ సినిమాలోని టాప్‌ క్లాస్‌ వీఎఫ్‌ఎక్స్‌ వర్క్‌ ప్రేక్షకులను అలరిస్తుందని ఆయన చెప్పారు.
ఇందులో లీడ్‌రోల్‌తో పాటు ఒక రోబో కూడా ఉంటుందని, వారిద్దరి జర్నీ ఆసక్తికరంగా ఉంటుందని ఆయన పేర్కొన్నారు. వందేళ్ల తర్వాత టెక్నాలజీని తెరపై చూపించబోతున్నామని, ఈ సినిమా చూసిన ప్రేక్షకులు ఇంద్రాణితో ప్రేమలో పడిపోతారని దర్శక,నిర్మాత తెలిపారు. ఇంకా చిత్ర యూనిట్‌ మొత్తం మాట్లాడారు. ఈ నెల 14న సినిమా విడుదల కానుంది. ఈ చిత్రానికి కెమెరా: చరణ్‌ మాధవనేని, సంగీతం: సాయికార్తీక్‌.
