రఘుబాబు, నాగదుర్గ, సమ్మెట గాంధీ, విజయలక్ష్మీ, బిత్తిరి సత్తి, బలగం సత్యనారాయణ, మహేంద్రనాథ్‌, శ్రీచరణ్‌, అశోక్‌ ప్రధాన పాత్రలు పోషించిన తెలంగాణ రూరల్‌ నేపథ్య చిత్రం కలివి వనం. రాజ్‌ నరేంద్ర దర్శకుడు. మల్లికార్జున్‌రెడ్డి, విష్ణువర్ధన్‌రెడ్డి నిర్మాతలు. షూటింగ్‌ పూర్తి చేసుకున్న ఈ సినిమా త్వరలో విడుదల కానుంది. ప్రమోషన్‌లో భాగంగా కొండగట్టు బృందావన్‌ రిసార్ట్‌లో ఈ సినిమా పోస్టర్‌ని మీడియావారి చేతుల మీదుగా విడుదల చేశారు.
వన సంరక్షణ అనే కాన్సెప్ట్‌ చుట్టూ ఈ కథ తిరుగుతుందని, తెలంగాణ జగిత్యాల జిల్లాలోని గుట్రాజుపల్లి ప్రాంతంలో సారంగాపూర్‌ అడవుల్లో చిత్రీకరణ జరిపామని, తెలంగాణ నేపథ్యంలో వచ్చిన ‘బలగం’ మాదిరిగా ఈ సినిమా కూడా అఖండ విజయాన్ని అందుకుంటుందనే నమ్మకంతో ఉన్నామని మేకర్స్‌ తెలిపారు. ఈ చిత్రానికి సంగీతం: మదీన్‌ ఎస్కే.
