చిరంజీవి ప్రస్తుతం విశ్వంభర షూటింగ్‌ శరవేగంగా జరుగుతున్నది. ఇదిలావుంటే విశ్వంభర తర్వాత మరో కుర్ర డైరెక్టర్‌తో సినిమా చేయనున్నారట చిరంజీవి. తనెవరో కాదు, శ్రీకాంత్‌ ఓదెల. ప్రస్తుతం నాని ప్యారడైజ్‌ అనే సినిమా చేస్తూ బిజీగా ఉన్నారు శ్రీకాంత్‌. ఈ సినిమా తర్వాత మెగా మూవీకి ఆయన రెడీ అవుతారనేది లేటెస్ట్‌ న్యూస్‌. ఇటీవలే చిరంజీవికి ఆయన ఓ కథ వినిపించారని, ఆ కథ చిరంజీవికి కూడా బాగా నచ్చిందని, బౌండ్‌ స్క్రిప్ట్‌ని సిద్ధం చేయమని శ్రీకాంత్‌ని చిరంజీవి ఆదేశించారనేది ఫిల్మ్‌వర్గాల్లో బలంగా వినిపిస్తున్న టాక్‌. చిరంజీవి విశ్వంభర, శ్రీకాంత్‌ ఓదెల ప్యారడైజ్‌.. ఈ రెండు సినిమాలు పూర్తయ్యాక, ఈ మెగా ప్రాజెక్ట్‌ ఉంటుందట. ఈ వార్త ఫిల్మ్‌ వర్గాల్లో పొక్కడంతో కుర్ర డైరెక్టర్లకు అవకాశాలిస్తూ భిన్నమైన ప్రయాణాన్ని చిరంజీవి సాగిస్తున్నారని పలువురు అభిప్రాయపడుతున్నారు.
