యువ హీరో నవీన్ పొలిశెట్టి అనగనగా ఒక రాజు చిత్రంతో వచ్చే ఏడాది సంక్రాంతి బరిలో దిగుతున్నారు. మారి దర్శకత్వం. ఈ చిత్రాన్ని సూర్యదేవర నాగవంశీ, సాయిసౌజన్య నిర్మిస్తున్నారు. మ్యూజికల్ ప్రమోషన్స్లో భాగంగా రాజుగారి పెళ్లిరో అనే గీతాన్ని విడుదల చేశారు. పెళ్లి నేపథ్యంలో ఉత్సాహభరితంగా సాగిందీ పాట. మిక్కీ జే మేయర్ స్వరపరచిన ఈ పాటను చంద్రబోస్ రచించారు.
నాయకానాయికలు నవీన్ పొలిశెట్టి, మీనాక్షి చౌదరి హుషారైన డ్యాన్స్ మూమెంట్స్తో ఈ పాటకు కొత్త జోష్ తీసుకొచ్చారు. ప్రేక్షకుల మనసుల్లో ఎప్పటికీ నిలిచిపోయే పెళ్లి పాట అవుతుందని మేకర్స్ తెలిపారు. ఆద్యంతం హాస్యప్రధానంగా సాగే ఫ్యామిలీ డ్రామా ఇదని, భారీ స్థాయిలో విడుదలకు సన్నాహాలు చేస్తున్నామని చిత్రబృందం పేర్కొంది. జనవరి 14న ఈ చిత్రం ప్రేక్షకుల ముందుకురానుంది. ఈ చిత్రానికి సంగీతం: మిక్కీ జే మేయర్, నిర్మాణ సంస్థలు: సితార ఎంటర్టైన్మెంట్స్, ఫార్చూన్ ఫోర్ సినిమాస్, దర్శకత్వం: మారి.
