సుధీర్బాబు, సోనాక్షి సిన్హా ప్రధాన పాత్రల్లో నటిస్తున్న సూపర్ నాచురల్ మైథలాజికల్ థ్రిల్లర్ జటాధర. వెంకట్ కల్యాణ్, అభిషేక్ జైస్వాల్ దర్శకత్వం వహిస్తున్నారు. పౌరాణిక ఇతివృత్తాలతో గ్రేట్ సినిమాటిక్ ఎక్స్పీరియన్స్ని ఈ సినిమా అందివ్వబోతున్నదని మేకర్స్ చెబుతున్నారు. ఈ సందర్భంగా ఫస్ట్ ట్రాక్ సోల్ ఆఫ్ జటాధర ను మేకర్స్ విడుదల చేశారు.
సాంప్రదాయ సంగీతం, డివైన్ టచ్తో కూడిన ఈ స్వరాలు జటాధర ప్రపంచంలోకి తీసుకెళ్లాలా ఉంటాయని, ముఖ్యంగా ఓం నమఃశివాయ జపం గూజ్బంప్స్ తెప్పిస్తుందని, సంగీత దర్శకుడు రాజీవ్రాజ్ స్వరపరచి, స్వయంగా ఆలపించిన ఈ ఆడియో గ్లింప్స్ అందర్నీ ఆకట్టుకుంటుందని మేకర్స్ చెబుతున్నారు. దివ్య ఖోస్లా, శిల్పా శిరోద్కర్, ఇంద్రకృష్ణ, రవిప్రకాశ్, నవీన్ నేని, రోహిత్ పాఠక్, ఝాన్సీ తదితరులు చిత్ర తారాగణం. నవంబర్ 7న ఈ సినిమా విడుదల కానుంది. సుధీర్ బాబు ఇక తన ఆశలన్నీ జటాధర ఈ సూపర్ న్యాచురల్ థ్రిల్లర్ సినిమాపైనే పెట్టుకున్నాడు.
