ఉపేంద్ర హీరోగా నటిస్తోన్న పాన్ ఇండియా మూవీ కబ్జ. ఇప్పటికే ఈ సినిమా నుంచి రెండు పాటలు, టీజర్ విడుదలై ఎక్స్‌ట్రార్డిన‌రీ రెస్పాన్స్‌ను రాబట్టుకున్నాయి. ప్రేక్షకులు సినిమాను ఎప్పుడెప్పుడు చూద్దామా అని ఆసక్తిగా ఎదురు చూస్తున్నారు. ప్రమోషనల్ యాక్టివిటీస్ శరవేగంగా జరుగుతున్నాయి. తాజాగా ఈ మూవీ మూడో పాటగా పల్లి పల్లి బెల్లం పల్లి.. అనే పాటను చిత్ర యూనిట్ విడుదల చేసింది. ఈ పాటను దర్శకుడు, నిర్మాత ఆర్.చంద్రు తన హోం టౌన్ షిడ్ల గట్టలో విడుదల చేశారు. భారీ ఎత్తును ఈవెంట్‌ను నిర్వహించి ఆడియెన్స్ సమక్షంలోనే ఈ సాంగ్‌ను రిలీజ్ చేశారు. శాండిల్ వుడ్ కింగ్ శివ రాజ్‌కుమార్ చేతుల మీదుగా పాట విడుదలైంది. ఈ పాట పక్కా మాస్ సాంగ్. ఉపేంద్ర, తాన్యా హోప్ ఈ పాటలో నర్తించారు. హెల్త్ మినిష్టర్ కె.సుధాకర్, మాజీ మంత్రి హెచ్.ఎం.రెవన్న, నిర్మాత, డిస్ట్రిబ్యూటర్ ఆనంద్ పండిట్, కోప్రొడ్యూసర్ అలంకార్ పాండియన్ తదితరులు ఈ కార్యక్రమంలో పాల్గొన్నారు. పునీత్ రాజ్‌కుమార్ జయంతి సందర్భంగా మార్చి 17న తెలుగు, కన్నడ, హిందీ, తమిళ, మలయాళ భాషల్లో వరల్డ్ వైడ్‌గా గ్రాండ్ లెవల్లో రిలీజ్ అవుతుంది.
