రామ్ చరణ్ హీరోగా, బుచ్చిబాబు సానా దర్శకత్వంలో ఆర్సి 16 మూవీ చేస్తున్నాడు. ఈ సినిమా షూటింగ్ శరవేగంగా జరుగుతోంది. తాజాగా కీలక మూడో షెడ్యూల్ని కూడా ప్రారంభించారు. ఈ షెడ్యూల్లో హీరోహీరోయిన్లు రామ్ చరణ్, జాన్వీ కపూర్తో పాటుగా కన్నడ స్టార్ నటుడు శివ రాజ్ కుమార్ కూడా పాల్గొంటున్నారు. కీలక సన్నివేశాలను ఈ షెడ్యూల్లో చిత్రీకరించనున్నారు. రామ్చరణ్ ఫిబ్రవరి 1 నుంచి షూటింగ్లో పాల్గొననున్నారు. సినిమాను వేగంగా ముగించాలని బుచ్చిబాబు షూటింగ్ చేస్తున్నారు. ప్రీ ప్రొడక్షన్ వర్క్కి దాదాపు ఏడాది సమయం తీసుకున్న బుచ్చిబాబు సినిమా షూటింగ్ను ఏడాది లోపే ముగించే విధంగా శరవేగంగా దూసుకు పోతున్నారు. ఆగస్టు వరకు సినిమా షూటింగ్ పూర్తి చేసి దసరా లేదా దీపావళి కానుకగా సినిమాను విడుదల చేయాలని భావిస్తున్నారు. స్పోర్ట్ డ్రామాగా పీరియాడిక్ బ్యాక్డ్రాప్లో ఈ సినిమా రూపొందుతోంది. ఇక ఈ చిత్రానికి ఏ ఆర్ రెహమాన్ సంగీతం అందిస్తున్నారు. ఈ సినిమాను వృద్ధి సినిమాస్, మైత్రిమూవీ మేకర్స్ నిర్మిస్తున్న సంగతి తెలిసిందే.
