దర్శకుడు తేజ, రానా మళ్లీ వీరి కాంబినేషన్‌ సెట్‌ అయ్యింది. త్వరలోనే ఇద్దరూ కలిసి పనిచేయనున్నారు. సినిమా పేరు రాక్షసరాజా. పేరుకు తగ్గట్టే శక్తిమంతమైన కథ, కథనాలతో ఈ సినిమా ఉంటుందని సమాచారం. ఇందులో రానా గ్యాంగ్‌స్టర్‌గా కనిపించనున్నట్టు తెలిసింది. హత్తుకుపోయే ఎమోషన్స్‌, కుటుంబ బంధాలతోపాటు నేరప్రపంచపు చీకటికోణాలు ఎత్తులు, పైఎత్తులూ అన్నీ ఈ కథలో ఉంటాయని సమాచారం. రానా పుట్టినరోజు సందర్భంగా ఈ టైటిల్‌తో కూడిన పవర్‌ఫుల్‌ పోస్టర్‌ని విడుదల చేశారు. ఇందులో రానా విభూతి, తిలకం ధరించి సిగార్‌ కాలుస్తూ, చేతిలో తుపాకితో చాలా వైల్డ్‌గా కనిపిస్తున్నాడు. ఈ సినిమాకు సంబంధించిన మిగతా వివరాలు త్వరలో తెలియనున్నాయి.
