ధనుష్‌ కథానాయకుడిగా, అక్కినేని నాగార్జున కీలక పాత్ర పోషిస్తున్న ప్రతిష్టాత్మక చిత్రం కుబేర. శేఖర్‌ కమ్ముల దర్శకత్వం. సునీల్‌ నారంగ్‌, పుస్కుర్‌ రామ్‌మోహన్‌రావు హైబడ్జెట్‌లో నిర్మిస్తున్నారు. ఈ సినిమా ప్రస్తుతం నిర్మాణ దశలో ఉండగా, మేకర్స్‌ ఈ సినిమాకు సంబంధించిన ప్రమోషన్‌ని ఇప్పటికే మొదలు పెట్టారు. ధనుష్‌, నాగార్జున, రష్మికల పాత్రలను వేరువేరు వీడియోలు, పోస్టర్ల ద్వారా పరిచయం చేశారు. ఈ ప్రచారచిత్రాల ద్వారా పాత్రల నేపథ్యాన్ని విభిన్నంగా ప్రెజెంట్‌ చేశారు. ఇదిలావుంటే ఈ నెల 15న ఈ సినిమాకు సంబంధించిన ఫస్ట్‌ గ్లింప్స్ విడుదల కానుంది. ఈ నేపథ్యంలో రష్మిక కొత్త పోస్టర్‌ని మేకర్స్‌ విడుదల చేశారు. ముంబై మహాసముద్రం బ్యాక్‌డ్రాప్‌లో అందమైన చిరునవ్వుతో రష్మికను ఈ పోస్టర్‌లో చూడొ చ్చు. అద్భుతమైన కథ, అత్యున్నత నిర్మాణ విలువలతో ఈ సినిమా రూపొందుతున్నదనీ, తెలుగు, తమిళ, మలయాళ, కన్న డ, హిందీ భాషల్లో రూపొందుతోన్న ఈ పాన్‌ ఇండియా చిత్రానికి సంబంధించిన విడుదల తేదీని త్వరలో ప్రకటిస్తామని మేకర్స్‌ తెలిపారు.
