కార్తీక మాసం సందర్భంగా ఐర్లాండ్ లోని లిమెరిక్ నగరం శివనామస్మరణతో మార్మోగింది. ఈ సందర్భంగా శివపార్వతుల కళ్యాణ మహోత్సవం కన్నుల పండుగగా నిర్వహించారు. ఈ వేడుకకు వందలాదిమంది భారతీయులు హాజరై దేవుడి ఆశీర్వాద ప్రసాదాలు స్వీకరించి తరించారు. ఈ కార్యక్రమాన్ని వైభవంగా జరిపించిన శ్రీ శివశక్తి కార్యవర్గ సభ్యులకు భక్తులంతా ప్రత్యేక కృతజ్ఞతలు తెలిపారు. ఈ సందర్భంగా కార్యవర్గ సభ్యులు మాట్లాడు తూ ప్రపంచంలో ఎక్కడ ఉన్న మన సంస్కృతి సాంప్రదాయా లు మన భవిష్యత్తు తరాలకు తెలియజేయాలని సంకల్పంతో ఇలాంటి ఎన్నో కార్యక్రమాలు భవిష్యత్తులో కొనసాగిస్తామని తెలిపారు.
