జనార్ధనమహర్షి స్వీయ దర్శకత్వంలో సర్వేజనాఃసుఖినోభవంతు ఫిలింస్‌ పతాకంపై జనార్ధనమహర్షి కుమార్తెలు శ్రావణి, శర్వాణిలు నిర్మిస్తోన్న సంస్కృత చిత్రం శ్లోక. హీరోయిన్‌ రాగిణి ద్వివేది. ఈ చిత్రంలో రాగిణి ద్వివేది, తనికెళ్ల భరణి, వజ్రేశ్వరి కుమార్, గురు దత్, జాక్‌మంజు, సూరప్పబాబు, ఆదిత్య, బద్రి దివ్య భూషన్, సందీప్‌ మలాని తదితరులు నటిస్తున్నారు. రుద్రభూమిలోకి (స్మశానంలోకి) వెళ్ళి ప్రకృతి ఆకృతితో మాట్లాడుతూ ఉండే ప్రత్యేకమైన యువతి పాత్రలో శ్లోక చిత్రంలో రాగిణి కనిపించనున్నారు. తాజాగా ఈ చిత్ర ఫస్ట్ లుక్‌ని ఉపాధ్యాయ దినోత్సవాన్ని పురస్కరించుకుని మేకర్స్ విడుదల చేశారు. ఫస్ట్ లుక్ విడుదల సందర్భంగా జనార్ధనమహర్షి మాట్లాడుతూ ఇప్పటివరకు సినిమాలోని కీలకమైన రుధ్రభూమి సన్నివేశాలను బెంగుళూరు, మైసూర్‌లో జరిగిన షెడ్యూల్స్‌లో తెరకెక్కించాం. రాగిణితో పాటు కీలకమైన అనేక సన్నివేశాలను దేశంలోనే పురాతనమైన అనేక స్మశానాలలో షూటింగ్‌ జరుపుకోవటం జరిగింది. ఎన్నో వ్యయప్రయాసల కోర్చి ఈ స్మశానాలలో షూటింగ్‌ చేయటం జరిగింది. ఈ స్మశానాల ప్రత్యేకత ఏంటో సినిమా చూస్తేనే తెలుస్తుంది. సంస్కృతంలో తెరకెక్కుతున్న ఈ చిత్రాన్ని అనేక భారతీయ భాషల్లో డబ్బింగ్‌ చేయటం జరుగుతుంది.
ఒక సంస్కృత విద్యార్థిగా సినిమాని సంస్కృతంలో తీస్తున్నందుకు ఎంతో ఆనందంగా ఉన్నాను. భారతీయు ల గొప్పతనానికి ప్రతీకైన సంస్కృత భాషని మరింత ప్రపంచ ప్రసిద్ధం చేయాలన్నది నా లక్ష్యం. భవిష్యత్తు లో కూడా మరిన్ని మంచి చిత్రాలు సంస్కృతంలో తీస్తాను. సెప్టెంబర్‌ 5వ తేదీ ఉపాధ్యాయ దినోత్సవం సందర్భంగా శ్లోక ఫస్ట్ లుక్‌ను విడుదల చేయడం జరిగింది. మా ఈ చిత్రాన్ని సంస్కృత టీచర్స్‌కి అంకితమి స్తున్నామని తెలిపారు.
