అనన్య నాగళ్ల, ధనుష్‌ రఘుముద్రి, సలోని, టెంపర్‌ వంశీ, మీసాల లక్ష్మణ్‌ ముఖ్యపాత్రల్లో నటించిన సినిమా తంత్ర. ఫస్ట్ కాపీ మూవీస్‌, బీ ద వే ఫిల్మ్స్‌, వైజాగ్‌ ఫిల్మ్‌ ఫ్యాక్టరీ బ్యానర్లపై చిత్రీకరించిన ఈ సినిమా నుంచి ఫస్ట్ సాంగ్‌ను కథానాయిక పాయల్ రాజ్పుత్, అనసూయ విడుదల చేశారు. ఈ సందర్భంగా దర్శకుడు మాట్లాడుతూ గతంలో ఎన్నో అద్భుతమైన పాటలు పాడిన అనురాగ్‌ కులకర్ణి గారు ఈ సాంగ్ పాడటం చాలా ప్లస్‌ అయింది. టీజర్‌కు మంచి స్పందన వచ్చింది. తంత్ర రహస్యమేమిటన్నది ఉత్కంఠ ను పంచుతుంది. కథలోని మలుపులు ఆకట్టుకుంటాయి. త్వరలో ట్రైలర్‌ను రిలీజ్‌ చేస్తాం అన్నారు. ఈ సినిమాకు కెమెరా: సాయిరాం ఉదయ్‌, విజయ్‌ భాస్కర్‌ సద్దాల; సంగీతం: ఆర్‌ఆర్‌ ధృవన్‌; సాహిత్యం: అలరాజు; నిర్మాతలు: నరేశ్‌బాబు పి, రవిచైతన్య; రచన-దర్శకతం: శ్రీనివాస్‌ గోపిశెట్టి.
