సుమంత్ శైలేంద్ర, మేఘ ఆకాష్ జంటగా తెరెక్కుతున్న చిత్రం ఓం శ్రీ కనకదుర్గ. వరలక్ష్మి శరత్ కుమార్ కీలక పాత్రపోషిస్తున్నారు. లంకా శశిధర్ దర్శకనిర్మాత. తెలుగు, తమిళ, మలయాళ, కన్నడ, హిందీ భాషల్లో ఈ చిత్రాన్ని రూపొందిస్తున్నారు. తొలి సీన్కి నిర్మాత డీయస్ రావు కెమెరా స్విచాన్ చేయగా, నిర్మాత అంబికా కృష్ణ క్లాప్ ఇచ్చారు. నిర్మాత సైలేంద్ర బాబు స్క్రిప్ట్ అందించగా, డైరెక్టర్స్ అసోసియేషన్ ప్రెసిడెంట్ కాశీ విశ్వనాథ్ గౌరవ దర్శకత్వం వహించారు. ఈ చిత్రంలో మురళీమోహన్ ముఖ్య పాత్ర చేస్తున్నారు. అమ్మవారి నేపథ్యంలో భారీ గ్రాఫిక్స్తో లవ్, ఎంటర్టైనర్ థ్రిల్లర్గా ఈ చిత్రాన్ని రూపొందిస్తున్నాం అని లంకా శశిధర్ అన్నారు. మా చిన్నబ్బాయి శశిధర్కు సినిమాలంటే చిన్నప్పటి నుండి ఇష్టం. దర్శకుడు కావాలనే తన కల ఈ చిత్రంతో నెరవేరుతోంది అన్నారు లంకా శివశంకర్ ప్రసాద్. ఈ చిత్రానికి సంగీతం: సామ్ కె. ప్రసన్, కెమెరా: శ్రీచిత్ విజయన్ దామోదర్, లైన్ ప్రొడ్యూసర్: జేత్రం మహేష్ రెడ్డి.
