ఆమని, వికాస్ వశిష్ఠ, మౌనిక రెడ్డి, ప్రగతి, సునయన, కేదార్ శంకర్, ప్రమోదినీ తదితరులు కీలక పాత్రల్లో నటించిన సినిమా నారి. మహిళల్ని గౌరవించాలి, ఆడపిల్లలు అన్ని రంగాల్లో ఎదిగేందుకు సహకరించాలి, ఇప్పుడున్న సామాజిక పరిస్థితుల్లో 13-20 ఏళ్ల పిల్లలు ప్రమాదంలో ఉన్నారనే విషయాన్ని చెబుతూ దర్శకుడు సూర్య వంటిపల్లి ఈ చిత్రాన్ని రూపొందించారు. శశి వంటిపల్లి నిర్మించారు. ఈ సినిమా మహిళా దినోత్సవం సందర్భంగా ఈనెల 7న గ్రాండ్ థియేట్రికల్ రిలీజ్కు రెడీ అవుతోంది. ఈ నేపథ్యంలో మేకర్స్ ఓ బంపర్ ఆఫర్ అనౌన్స్ చేశారు. ఈ నెల 7, 8 తేదీల్లో ఈ సినిమా చూసే కపుల్స్ కోసం టికెట్స్ పై వన్ ఫ్లస్ వన్ ఆఫర్ ప్రకటించారు. 7, 8వ తేదీల్లోని అన్ని షోస్కు ఈ ఆఫర్ వర్తించనుంది. అందరూ తమ టికెట్స్ సమీపంలోని థియేటర్లలో, బుక్ మై షో ద్వారా బుకింగ్ చేసుకోవచ్చు అని మేకర్స్ తెలిపారు. ఈ సినిమా నుంచి రిలీజ్ చేసిన కంటెంట్, పాటలు సెన్సేషన్ క్రియేట్ చేస్తున్నాయి. సింగర్ సునీత పాడిన హవాయి హవాయి హవాయి, రమణ గోగుల పాడిన గుండెలోన ఏదో గట్టి సప్పుడైనదే పాట మిలియన్స్ వ్యూస్ సాధిస్తూ సూపర్ హిట్ అయ్యాయి. ఈ సినిమా అందర్నీ అలరిస్తుందనే నమ్మకం ఉంది అని నిర్మాత శశి వంటిపల్లి అన్నారు.
