నాగార్జున ప్రతిష్టాత్మకమైన 100వ చిత్రంతో ప్రేక్షకుల ముందుకు రానున్నారు. కింగ్‌ 100 పేరుతో రానున్న ఈచిత్రాన్ని అన్నపూర్ణా స్టూడియోస్‌ పతాకంపై రా కార్తీక్‌ తెరకెక్కిస్తున్న విషయం తెలిసిందే. ప్రస్తుతం ఈ సినిమా షూటింగ్‌ శరవేగంగా జరుగుతున్నది. ఈ సినిమాలో టబు ఓ ప్రత్యేక పాత్ర పోషిస్తున్న విషయం తెలిసిందే. ఆమె పుట్టిన రోజు. ఈ సందర్భంగా ఇందులో ఆమె పోషిస్తున్న మహంతి ఝాన్సీరాణి పాత్రను పరిచయం చేస్తూ ఓ ప్రత్యేక గ్లింప్స్‌ని విడుదల చేశారు.
టబు పవర్‌ఫుల్‌ వాయిస్‌ఓవర్‌తో ఈ గ్లింప్స్ సాగింది. ప్రపంచంలో రెండు రకాల మనుషులుంటారు.. లక్‌ను నమ్మేవాళ్లు ఒకరు.. హార్డ్‌ వర్క్‌ని నమ్మేవాళ్లు మరొకరు. ఐ షేట్‌ లక్‌’ అనే డైలాగ్‌తో ఆమె పాత్ర పోకడను ఈ గ్లింప్స్ ఆవిష్కరించింది. భారీ జనసమూహం ముందు టబు ఎంట్రీ ఇవ్వడం, ప్రజలకు అభివాదం చేస్తూ ప్రమాణస్వీకారం చేయడం, ఈ సన్నివేశాలతో గ్లింప్స్ క్యూరియాసిటీని పెంచింది. చీరకట్టులో ఆత్మవిశ్వాసానికి ప్రతీకగా ఈ గ్లింప్స్‌లో టబు కనిపించారు. క్రిస్మస్‌ కానుకగా డిసెంబర్‌ 24న సినిమా విడుదల కానున్నది. అత్యంత పవర్‌ఫుల్‌ కథ, కథనాలతో రా కార్తీక్‌ తెరకెక్కిస్తున్న ఈ చిత్రానికి కెమెరా: రాజా మహదేవన్‌, సంగీతం: దేవిశ్రీప్రసాద్‌.
