తెలుగు అసోసియేషన్ ఆఫ్ లండన్ ఆధ్వర్యంలో బాలల దినోత్సవాన్ని ఘనంగా నిర్వహించారు. లండన్ బరో ఆఫ్ హౌన్స్లోలో ఫెల్థామ్ అసెంబ్లీ హాలులో ఈ వేడుకలు జరిపారు. సుమారు 300 కుటుంబాలు ఈ వేడుకకు హాజరయ్యారు. ఈ సందర్భంగా నిర్వహించిన సాంస్కృతిక కార్యక్రమాల్లో చిన్నారులు ఉత్సాహంగా పాల్గొన్నారు. టాలీవుడ్ గీతాలతో పాటు సంప్రదాయ నృత్య ప్రదర్శనలతో అలరించారు. చిత్రలేఖనం, తెలుగు భాషా నైపుణ్యాలపై పోటీలు నిర్వహించి, విజేతలకు బహుమతులు ప్రదానం చేశారు.


















