హాంగ్ కాంగ్ కీలక నిర్ణయం తీసుకుంది. కొవిడ్ ఉధృతి తగ్గిన నేపథ్యంలో అమెరికా, బ్రిటన్ సహా తొమ్మిది దేశాల అంతర్జాతీయ విమానాలపై విధించిన నిషేధాన్ని ఎత్తివేయాలని నిర్ణయం తీసుకున్నట్టు ప్రకటించింది. ఈ మేరకు హాంగ్ కాంగ్ సిటీ లీడర్ క్యారీ ల్యామ్ తెలిపారు. కొవిడ్ విజృంభణ నేపథ్యంలో అమెరికా, బ్రిటన్, భారత్ సహా ఎనిమిది దేశాల విమానాలపై నిషేధం విధిస్తూ జనవరిలో ప్రకటన విడుదల చేసింది. ఈ జాబితాలో నేపాల్ను కూడా చేర్చుతూ ఫిబ్రవరిలో నిర్ణయం తీసుకుంది. అయితే ప్రస్తుతం మమహ్మారి ఉధృతి తగ్గిన నేపథ్యంలో హాంగ్ కాంగ్ కీలక నిర్ణయం తీసుకుంది. తొమ్మిది దేశాల అంతర్జాతీయ విమానాలపై విధించిన నిషేధాన్ని ఏప్రిల్లో ఎత్తేయాలనే నిర్ణయానికి వచ్చింది.
