రానా దగ్గుబాటి, సాయి పల్లవి జంటగా నటించిన చిత్రం విరాటపర్వం. 1990లో జరిగిన కొన్ని యథార్థ సంఘటనల ప్రేరణతో తెరకెక్కిన చిత్రమిది. కామ్రేడ్ రవన్న పాత్రలో రానా దగ్గుబాటి కనిపిస్తారు. వెన్నెల అనే యువతిగా సాయిపల్లవి నటించారు. యుద్ధం నేపథ్యంలో సాగే ఓ అద్భుతమైన ప్రేమకథగా దర్శకుడు వేణు ఊడుగుల ఈ చిత్రాన్ని మలిచారని, ప్రతీ పాత్ర ప్రేక్షకుల మనసుల్లో నిలిచిపోయేలా ఉంటుందని సినీ వర్గాలు వెల్లడిరచాయి. ఈ చిత్రాన్ని జులై 1న విడుదల చేయబోతున్నట్లు నిర్మాతలు ప్రకటించారు. ఈ సందర్భంగా కొత్త పోస్టర్ను విడుదల చేశారు. ప్రియమణి, నందితాదాస్, నవీన్ చంద్ర, జరీనా వహాబ్, ఈశ్వరీరావ్, సాయి చంద్ తదితరులు కీలక పాత్రలు పోషించారు. వేణు ఊడుగుల దర్శకత్వం వహిస్తున్నారు. సుధాకర్ చెరుకూరి నిర్మాత. డి.సురేష్ బాబు సమర్పకులు. ఈ చిత్రానికి సంగీతం: సురేష్ బొబ్బిలి, ఛాయాగ్రహణం: డానీ సాంచెజ్ లోపెజ్, దివాకర్ మణి, కూర్పు: శ్రీకర్ ప్రసాద్, ప్రొడక్షన్ డిజైన్: శ్రీనాగేంద్ర.
