టాలీవుడ్ మాస్ మహారాజా రవితేజ నటిస్తోన్న చిత్రాల్లో ఒకటి రావణాసుర . సుధీర్ వర్మ డైరెక్ట్ చేస్తున్నాడు. ఈ చిత్రంలో అనూ ఎమ్మాన్యుయేల్, పూజిత పొన్నాడ, దక్షా నగార్కర్, ఫరియా అబ్దుల్లా, మేఘా ఆకాశ్ ఫీ మేల్ లీడ్ రోల్స్ పోషిస్తున్నారు. ఈ మూవీలో సుశాంత్ విలన్‌గా నటిస్తున్నాడు. రావణాసుర అభిషేక్ పిక్చర్స్, రవితేజ టీమ్ వర్క్స్ బ్యానర్లపై సంయుక్తంగా తెరకెక్కుతుంది. ఈ మూవీలో రావు రమేశ్, మురళీ శర్మ, సంపత్ రాజ్, నితిన్ మెహతా కీలక పాత్రల్లో నటిస్తున్నారు.
తాజాగా మేకర్స్ రావణాసుర టీజర్ అప్‌డేట్ అందించారు. మార్చి 6న ఉదయం 10:08 గంటలకు రావణాసుర టీజర్‌ను లాంఛ్ చేయనున్నారు. ఈ విషయాన్ని తెలియజేస్తూ కొత్త లుక్ విడుదల చేశారు మేకర్స్.రవితేజ కొంచెం సీరియస్ లుక్‌లో నడుచుకుంటూ వెళ్తున్న స్టిల్ క్యూరియాసిటీ పెంచుతోంది. ఈ మూవీకి హర్షవర్దన్ రామేశ్వర్- భీమ్స్ సిసిరోలియో సంగీతం అందిస్తున్నారు. రావణాసుర చిత్రాన్ని 2023 ఏప్రిల్ 7న థియేటర్లలో గ్రాండ్‌గా విడుదల చేయనున్నట్టు మరోసారి తాజా తాజా లుక్‌తో తెలియజేశారు.
