యువ హీరో కిరణ్ అబ్బవరం నటిస్తున్న తాజా చిత్రం మీటర్. రమేష్ కాదూరి దర్శకుడు. మైత్రీ మూవీ మేకర్స్ సమర్పణలో క్లాప్ ఎంటర్టైన్మెంట్స్ పతాకంపై చిరంజీవి (చెర్రి), హేమలత పెద్దమల్లు నిర్మిస్తున్నారు. ఈ చిత్రం నుంచి చమక్ చమక్ పోరి.. బాలాజీ సాహిత్యాన్ని అందించిన ఈ పాటకు సాయి కార్తీక్ సంగీతాన్ని అందించగా అరణ్ కౌండిన్య, ఎంఎల్ గాయత్రి పాడారు. హైదరాబాద్లోని ఆర్టీసి క్రాస్ రోడ్స్లోని సంధ్య 70 ఎంఎంలో భారీ జనసందోహం సమక్షంలో ఈ పాటను గ్రాండ్గా లాంచ్ చేశారు. ఈ ఈవెంట్లో కిరణ్ అబ్బవరం మాట్లాడుతూ ఈ పాట ప్రదర్శిస్తున్నప్పుడు మీ ఉత్సాహం చూస్తుంటే సంతోషంగా ఉంది. ఈ సాంగ్లోని ఎనర్జీ ఆకట్టుకుంటుంది. నా కెరీర్లో ఓ భారీ సెట్లో చేసిన పాట ఇది. సినిమా ఆద్యంతం వినోదాన్ని అందిస్తుంది అని అన్నారు. నిర్మాత చెర్రీ మాట్లాడుతూ టీజర్ చూశారు, పాట చూశారు. మీటర్ లో మ్యాటర్ ఉందని మీకు అర్థమై ఉంటుంది. అందమైన సెట్లో ఈ పాట పిక్చరైజ్ చేశాం. భాను కొరియోగ్రఫీ చేశారు. కిరణ్ చేసిన మాస్ స్టెప్పులు ఆకట్టుకుంటాయి. సినిమాలో ఈ పాట ఆకర్షణ అవుతుంది. అన్నారు. ఏప్రిల్ 7న సినిమా విడుదల కానుంది. ఈ కార్యక్రమంలో దర్శకుడు రమేష్, సాయి కార్తిక్ పాల్గొన్నారు.
