ప్రకాష్‌ రాజ్‌, రమ్యకృష్ణ, బ్రహ్మానందం ప్రధానపాత్రలో తెరకెక్కుతున్న చిత్రం రంగమార్తాండ. కృష్ణవంశీ దర్శకుడు. హౌస్‌ ఫుల్‌ మూవీస్‌, రాజశ్యామల ఎంటర్‌టైన్‌మెంట్స్‌ బ్యానర్‌పై నిర్మించబడిన ఈ సినిమాకు ఇళయరాజా సంగీతం అందిస్తున్నారు. అయితే ఇప్పటికే ఈ సినిమా నుంచి రిలీజ్ అయిన లిరికల్స్‌ సాంగ్స్‌ ప్రేక్షకుల దృష్టిని విశేషంగా ఆకట్టుకుంది. ఇక లేటెస్ట్‌గా సినిమా టీమ్ ప్రీమియర్స్‌ను వేస్తోంది. ఈ ప్రీమియర్స్‌ను చూసిన జనాలు సినిమా అదిరిపోయిందని, కన్నీళ్లు పెట్టుకోవాల్సిందే అంటూ కామెంట్స్ చేస్తున్నారు. దీంతో ఈ సినిమాపై అంచనాలు మరింతగా పెరిగిపోయాయి. కాగా మరాఠీ సూపర్‌ హిట్‌ ఎమోషన్‌ డ్రామా నట్‌ సామ్రాట్‌ కి అఫీషియల్‌ తెలుగు రీమేక్‌గా తెరకెక్కిన ఈ చిత్రం ఉగాది సందర్భంగా మార్చి 22న థియేటర్స్‌లో సందడి చేయనుంది.
