సస్పెన్స్‌ థ్రిల్లర్‌గా తెరకెక్కతున్న చిత్రం మహిష. ప్రవీణ్‌ కేవీ స్వీయదర్శకత్వంలో నిర్మిస్తున్నారు. ఈ సినిమాకు కథానాయకుడు కూడా ఆయనే. పృథ్వీ, యషిక, వైష్ణవి, కపిల్‌, మౌనిక, దీపు తదితరులు ఇతర పాత్రలు పోషిస్తున్నారు. షూటింగ్‌ పూర్తి చేసుకున్న ఈ సినిమా ప్రస్తుతం పోస్ట్‌ ప్రొడక్షన్‌ దశలో ఉంది. ఈ మూవీ ఫస్ట్‌లుక్‌ని హీరో శ్రీకాంత్, ప్రతాని రామకృష్ణ గౌడ్‌ కలిసి ఆవిష్కరించారు. సినిమా విజయం సాధించాలని ఇద్దరూ శుభాకాంక్షలు అందించారు. ఆద్యంతం ఉత్కంఠకు గురిచేసే కథాంశంతో రూపొందుతోన్న ఈ చిత్రం తప్పకుండా అందరికీ నచ్చుతుందని ప్రవీణ్‌ కేవీ నమ్మకం వెలిబుచ్చారు. ఈ చిత్రానికి కెమెరా: సతీశ్‌, వివేక్‌, సంగీతం: శ్రీవెంకట్‌.
