త్రిగుణ్‌ హీరోగా హెబ్బా పటేల్‌, ఇషా చావ్లా, వర్షిణి హీరోయిన్లుగా నటించిన చిత్రం టర్నింగ్ పాయింట్. పస్ట్‌లుక్‌ పోస్టర్‌ను హీరో బెల్లంకొండ సాయిశ్రీనివాస్‌, దర్శకుడు విజయ్‌ కనకమేడల విడుదల చేశారు. ఈ సందర్భంగా నిర్మాత సురేశ్‌ దత్తి మాట్లాడుతూ ఓ వైవిధ్యమైన కాన్సెప్ట్‌కు సస్పెన్స్‌, మాస్‌ అంశాలు జోడించి తీస్తున్నాం. త్వరలోనే టీజర్‌ను కూడా విడుదల చేస్తాం. కొత్తదనం కోరుకునే ప్రేక్షకులను అలరించే సినిమా ఇది అన్నారు. దర్శకుడు కుహన్‌ నాయుడు మాట్లాడుతూ క్రైమ్‌ థ్రిల్లర్‌గా రూపొందుతున్న ఈ సినిమాలో త్రిగుణ్‌ పవర్‌ఫుల్‌ పోలీస్‌ ఆఫీసర్‌గా నటిస్తున్నారు. ప్రతి సన్నివేశం ఉత్కంఠభరితంగా ఉంటుంది. ప్రస్తుతం నిర్మాణానంతర పనులు జరుగుతున్నాయి అని చెప్పారు.
