సూర్య శ్రీనివాస్‌, శివ బొడ్డు రాజు, జెనిఫర్‌ ఇమ్మాన్యుయేల్‌ ప్రధాన పాత్రల్లో నటిస్తున్న చిత్రం ఇ వి ఓ ఎల్. (ఏ లవ్‌స్టోరీ ఇన్‌ రివర్స్‌ ఉపశీర్షిక). స్వీయ నిర్మాణ దర్శకత్వంలో రామ్‌ యోగి వెలగపూడి తెరకెక్కిస్తున్నారు. ఈ సందర్భంగా ఏర్పాటు చేసిన సమావేశంలో దర్శకనిర్మాత రామ్‌యోగి వెలగపూడి మాట్లాడుతూ టైటిల్ ఉపశీర్షికలో చెప్పినట్లుగా రివర్స్‌ లవ్‌స్టోరీగా ఓ విభిన్న కథాంశంతో ఈ చిత్రం మెప్పిస్తుంది. ఇద్దరు స్నేహితు ల మధ్య నడిచే ఈ కథలో ఉండే క్రైమ్‌ ఎలిమెంట్‌ ఆసక్తినిరేకెత్తిస్తుంది. చిత్రీకరణ పూర్తయింది. త్వరలో విడుదల చేయడానికి సన్నాహాలు చేస్తున్నాం అన్నారు. ఈ చిత్రానికి కెమెరా: తేడా బ్యాచ్‌ సినిమా టీమ్‌, సంగీతం: సునీల్‌ కశ్యప్‌, కథ, స్క్రీన్‌ప్లే, మాటలు, నిర్మాత, దర్శకత్వం: రామ్‌యోగి వెలగపూడి.
