యువచంద్రకృష్ణ, అనన్య నాగళ్ల జంటగా నటిస్తున్న చిత్రం పొట్టేల్. రూరల్‌ బ్యాక్‌డ్రాప్‌లో వాస్తవికతకు అద్దంపట్టే కథాంశంతో రూపొందుతోన్న ఈ చిత్రానికి సాహిత్‌ మోత్కూరి దర్శకుడు. అజయ్‌, ప్రియాంకశర్మ, తనస్వి చౌదరి, నోయల్‌సీన్‌, తదితరులు ఇతర పాత్రలు పోషిస్తున్నారు. ప్రమోషన్‌లో భాగంగా ఇప్పటికే ఈ సినిమాకు సంబంధించిన మూడు పాటలను విడుదల చేయడం జరిగింది. ఈ సినిమాకు సంబంధించిన నాలుగవ పాటను మేకర్స్‌ విడుదల చేశారు. బుజ్జి మేక అంటూ సాగే ఈ పాటను కాసర్ల శ్యామ్‌ రాయగా, శేఖర్‌చంద్ర స్వరపరిచారు. కాలభైరవ ఆలపించారు. భావోద్వేగపూరితంగా ఈ పాట సాహిత్యం, చిత్రీకరణ సాగుతుందని మేకర్స్‌ చెబుతున్నారు. విజువల్స్‌ కూడా నేచురల్‌గా ఉంటాయని వారు తెలిపారు. త్వరలోనే సినిమాను విడుదల చేస్తామని నిర్మాతలు నిశాంత్‌రెడ్డి కుడితి, సురేశ్‌కుమార్‌ సడిగే తెలిపారు. ఈ చిత్రానికి కెమెరా: మోనిష్‌ భూపతిరాజు.
