గత ఏడాది గదర్‌ 2 తో భారీ విజయాన్ని సొంతం చేసుకున్న బాలీవుడ్‌ యాక్షన్‌ హీరో సన్నీడియోల్‌ కథానాయకుడిగా తెలుగు దర్శకుడు గోపీచంద్‌ మలినేని దర్శకత్వంలో ఓ స్ట్రెయిట్‌ హిందీ చిత్రం తెరకెక్క నుంది. ప్రతిష్టాత్మక టాలీవుడ్‌ నిర్మాణసంస్థలు మైత్రీ మూవీమేకర్స్‌, పీపుల్‌ మీడియా ఫ్యాక్టరీ కలిసి ఈ చిత్రాన్ని నిర్మించనుండటం విశేషం. పూర్తి కమర్షియల్‌ అంశాలతో మాస్‌ యాక్షన్‌ ఎంటర్‌టైనర్‌గా ఈ చిత్రం తెరకెక్కనుందని, ఎస్‌డిజిఎమ్‌ అనే వర్కింగ్‌ టైటిల్‌తో తెరకెక్కనున్న ఈ చిత్రంలో సన్నీడియోల్‌ని మును పెన్నడూ చూడని యాక్షన్‌ అవతార్‌లో చూస్తారని గోపీచంద్‌ మలినేని చెబుతున్నారు.
హైదరాబాద్‌లో ప్రత్యేక అతిథులతో ఈ సినిమా గ్రాండ్‌గా లాంచ్‌ అయ్యింది. రేపటి నుంచి రెగ్యులర్‌ షూటింగ్‌ మొదలవుతుందని మేకర్స్‌ ప్రకటించారు. సయామీ ఖేర్‌, రెజీనా కసాండ్రా కీలక పాత్రలు పోషించనున్న ఈ చిత్రానికి కెమెరా: రిషి పంజాబీ, మాటలు: సౌరభ్‌ గుప్తా, సంగీతం: థమన్‌.ఎస్‌, నిర్మాతలు: నవీన్‌ యెర్నేని, వై.రవిశంకర్‌, టి.జి.విశ్వప్రసాద్‌.
