ప్రభాస్‌ నటిస్తున్న చిత్రం కల్కి 2898 ఏడీ. నాగ్‌ అశ్విన్‌ దర్శకత్వంలో వైజయంతీ మూవీస్ తెరకెక్కిస్తోన్న సంగ‌తి తెలిసిందే. ఈ నేపథ్యంలో ముంబైలో ప్రీ రిలీజ్‌ ఈవెంట్‌ను నిర్వహిం చారు. ఈవెంట్‌లో ప్రభాస్‌, అమితాబ్‌బచ్చన్‌, కమల్ హాసన్‌, దీపికాపదుకొనేతో పాటు రానా, ఇతర నటీనటులు సందడి చేశారు. ఈవెంట్‌లో కమల్ హాసన్‌ మాట్లాడుతూ నేనెప్పుడూ బ్యాడ్‌మ్యాన్‌ పాత్రలో నటించాలనుకుంటా. ఎందుకంటే సినిమాల్లో బ్యాడ్‌ మ్యాన్‌ అన్ని మంచి పనులే చేస్తుంటాడు. హీరోలు రొమాంటిక్ పాటలు పాడుతూ హీరోయిన్ కోసం ఎదురుచూస్తుంటే, బ్యాడ్‌ మ్యాన్‌ ఎక్కడికైనా వెళ్లి తనకి కావలసింది చేసుకుంటాడని చెప్పుకొచ్చాడు.
తమిళనాడులో ఈ చిత్రాన్ని శ్రీలక్ష్మి మూవీస్ పంపిణీ చేయనుంది. కల్కి 2898 ఏడీ థ్రియాట్రికల్‌ డిస్ట్రిబ్యూష న్‌ హక్కులను శ్రీలక్ష్మి మూవీస్ భారీ మొత్తానికి దక్కించుకుంది. ఇప్పటికే మేకర్స్‌ కల్కి 2898 ఏడీ ఎపిసోడ్‌ 1 ను విడుదల చేసి సినిమాపై అంచనాలు పెంచుతున్నాడు నాగ్‌ అశ్విన్‌. ఈ చిత్రంలో బాలీవుడ్ భామలు దీపికా పదుకొనే, దిశా పటానీ ఫీ మేల్ లీడ్ రోల్స్‌లో నటిస్తుండగా, బెంగాలీ నటుడు శాశ్వత ఛటర్జీ మెయిన్ విలన్‌గా కనిపించబోతున్నాడు. లెజెండరీ యాక్టర్లు అమితాబ్‌ బచ్చన్‌, కమల్ హాసన్‌, రాజేంద్రప్రసాద్‌, పశుపతి ఇతర కీలక పాత్రల్లో నటిస్తున్నారు. ఈ చిత్రం తెలుగు, తమిళం, మలయాళం, కన్నడ, హిందీ భాషల్లో థియేటర్లలో ప్రపంచవ్యాప్తంగా జూన్ 27న గ్రాండ్‌గా విడుదల కానుంది.
