చైతన్యరావు, అర్జున్ అంబటి, కిశోరి దాత్రక్, రవిశంకర్ ప్రధానపాత్రధారులుగా రూపొందుతోన్న చిత్రం తెప్పసముద్రం. సతీశ్ రాపోలు దర్శకుడు. నీరుకంటి మంజులా రాఘవేందర్గౌడ్ నిర్మాత. ఈ సినిమా ప్రమోషన్స్లో భాగంగా పి.ఆర్ సంగీత దర్శకత్వంలో పెంచలదాస్ రాసి, పాడిన నా నల్లా కలువా పువ్వా సాంగ్ని చిత్రబృందం విడుదల చేశారు. దుర్మార్గుల చేతుల్లో అమాయకమైన అమ్మాయిలు ఎలా బలైపోతున్నారో, వారికోసం కుటుబం పడుతున్న బాధలు, రోదనలు ఈ పాటలో మనసు కదిలించేలా చూపించడం జరిగిందని, దర్శకుడు సతీష్ అద్భుతమైన కథతో ఈ సినిమాను మలిచాడని, అవుట్పుట్ చాలా బాగా వచ్చిందని నిర్మాత తెలిపారు. ప్రేక్షకులకు నచ్చే మంచి కమర్షియల్ సినిమా ఇదని దర్శకుడు చెప్పారు. నిర్మాణం పూర్తి చేసుకున్న ఈ చిత్రం ఏప్రిల్ 12న విడుదల కానుంది. ఈ చిత్రానికి మాటలు: శ్రావణ్, కెమెరా: శేఖర్ పోచంపల్లి.
