రాకేష్‌ గలేబి, స్రవంతి పత్తిపాటి, మానసవీణ, భార్గవ్‌ గోపీనాథం ముఖ్యతారలుగా రూపొందిన సైన్స్‌ఫిక్షన్‌ అండ్‌ మైథలాజికల్‌ థ్రిల్లర్‌ రహస్యం ఇదం జగత్. కోమల్‌ ఆర్‌.భరద్వాజ్‌ దర్శకుడు. పద్మ రావినూతుల, హిరణ్య రావినూతుల నిర్మాతలు. హైదరాబాద్‌లో ఈ చిత్రం ట్రైలర్ లాంచ్ కార్యక్రమం జరిగింది. ప్రముఖ దర్శకుడు చందు మొండేటి ఈ కార్యక్రమానికి అతిథిగా విచ్చేసి ట్రైలర్‌ని ఆవిష్కరించారు. నాకిష్టమైన అంశాలన్నీ ఈ ట్రైలర్‌లో ఉన్నాయి. నిజంగా చాలా ఎగ్జయిట్‌ అయ్యాను. టెక్నాలజీకి అంతపట్టని వామ్‌హోల్‌ కాన్సెప్ట్‌ నేపథ్యంలో ఈ సినిమా చేసినట్టు అనిపిస్తుంది. ఇలాంటి సినిమా తీయడం చాలా కష్టం. ప్రస్తుతం జనాలు ఇలాంటి సినిమాలనే ఇష్టపడుతున్నారు అని చందు మొండేటి అన్నారు. ఓ అందమైన చందమామ కథలా సినిమా ఉంటుందని, గొప్ప థియేట్రికల్‌ ఎక్స్‌పీరియన్స్‌ ఇచ్చే సినిమా ఇదని, ప్రచార చిత్రాలకు అనూహ్యమైన స్పందన వస్తున్నదని, సినిమా అంతకు మించి ఉంటుందని దర్శకుడు నమ్మకం వ్యక్తం చేశారు. ఇంకా చిత్రబృందం ఈ కార్యక్రమంలో పాల్గొన్నారు. నవంబర్‌ 8న సినిమా విడుదల కానుంది.
