బ్రిటన్‌ రాజు కింగ్‌ చార్లెస్‌ సీక్రెట్‌గా భారత్ పర్యటకు వచ్చినట్లు తెలిసింది. సతీమణి క్వీన్‌ కెమిల్లా తో కలిసి మూడు రోజుల పర్యటన నిమిత్తం బెంగళూరు కు వచ్చినట్లు సమాచారం. అక్టోబర్‌ 27 నుంచి వారు బెంగళూరులోని ఓ వెల్‌నెస్‌ సెంటర్‌లో బస చేసిన్నట్లు సమాచారం. కింగ్‌ చార్లెస్‌ దంపతులు ఈ నెల 21 నుంచి 26 మధ్య కామన్వెల్త్‌ ప్రభుత్వాధినేతల సమావేశానికి హాజరైన తర్వాత సమోవా నుంచి నేరుగా భారత్‌కు సీక్రెట్‌గా వచ్చినట్లు తెలిసింది. వారు బెంగళూరులోని ఓ వెల్‌నెస్‌ సెంటర్‌లో బస చేస్తున్నట్లు పేర్కొంది. ఈ సెంటర్‌లో యోగా, ధ్యానం వంటి సెషన్స్‌తో సమయం గడుపుతున్నట్లు తెలిసింది. వెల్‌నెస్‌ సెంటర్‌ సిబ్బంది కింగ్‌ చార్లెస్‌, కెమిల్లాకు వివిధ రకాల థెరపీ చికిత్సలు నిర్వహిస్తున్నట్లు తెలిసింది. ఈ సీక్రెట్‌ ట్రిప్‌ ముగించుకొని వీరు బ్రిటన్‌ బయల్దేరనున్నట్లు తెలిసింది.
