సుధీర్ బాబు హీరోగా లూజర్ సిరీస్ ఫేమ్ అభిలాష్ రెడ్డి కంకర దర్శకత్వంలో చేస్తున్న యూనిక్ కంటెంట్ మూవీ మా నాన్న సూపర్ హీరో. సుధీర్ బాబు సరసన ఆర్ణ హీరోయిన్ గా నటిస్తోంది. CAM ఎంటర్టైన్మెంట్ తో కలిసి వి సెల్యులాయిడ్స్ బ్యానర్ పై సునీల్ బలుసు ఈ చిత్రాన్ని నిర్మిస్తున్నారు. సాయి చంద్, సాయాజీ షిండే, రాజు సుందరం, శశాంక్, ఆమని, అన్నీ ముఖ్య తారాగణం. నాన్న సూపర్ హీరో పోస్ట్ ప్రొడక్షన్ పనులు జరుగుతున్నాయి. షూటింగ్ పార్ట్ పూర్తి కావడంతో మేకర్స్ త్వరలో ప్రమోషన్స్ గ్రాండ్ గా ప్రారంభించనున్నారు. ఫాదర్స్ డే సందర్భంగా మనసుని హత్తుకునే పోస్టర్ ద్వారా సినిమా టైటిల్ ను అనౌన్స్ చేశారు. ఈ చిత్రం తండ్రి కొడుకు మధ్య అనుబంధానికి నిజమైన అర్ధం చెబుతూ మనసుల్ని కదిలించే ఓ అద్భుతమైన ప్రయాణంగా ఉండబోతున్నట్టు టైటిల్ పోస్టర్ సూచిస్తూ సినిమాపై ఆసక్తిని పెంచింది.
సమీర్ కళ్యాణి సినిమాటోగ్రఫీ, జై క్రిష్ సంగీతం అందిస్తున్నారు. అనిల్ కుమార్ పి ఎడిటర్ కాగా, ఝాన్సీ గోజాల ప్రొడక్షన్ డిజైనర్. మహేశ్వర్ రెడ్డి గోజాల ఈ చిత్రానికి క్రియేటివ్ ప్రొడ్యూసర్.దర్శకుడు అభిలాష్ రెడ్డి కంకరతో పాటు ఎంవీఎస్ భరద్వాజ్, శ్రవణ్ మాదాల ఈ చిత్రానికి రైటర్స్. ఈ చిత్రంలో కీలక పాత్ర పోషిస్తున్న రాజు సుందరం మాస్టర్ కొరియోగ్రాఫర్ గా కూడా పని చేస్తున్నారు. త్వరలోనే ఈ సినిమా విడుదల తేదీని నిర్మాతలు అనౌన్స్ చేస్తారు.
