అనీశ్‌, అనస్వర రాజన్‌ జంటగా నటించిన చిత్రం ఇట్లు అర్జున. కింగ్ అక్కినేని నాగార్జున సమర్పణ. ఈ చిత్రానికి మహేష్‌ ఉప్పల దర్శకుడు. సక్సెస్‌మీట్‌లో నాగార్జున మాట్లాడుతూ మాటలు రాని హీరోతో కథ చెప్పడం అంత ఈజీ కాదు. దర్శకుడు మహేశ్‌కు గొప్ప భవిష్యత్తు ఉంది. హీరో అనీశ్‌ గురించి ప్రేక్షకులు గొప్పగా చెబుతున్నారు. అతని విషయంలో నాకు గర్వంగా ఉంది. ఈ సినిమా చూశాక కథానాయిక అనస్వర రాజన్‌కు ఫ్యాన్‌ అయిపోయాను. ఈ సినిమాను నేను ప్రజెంట్‌ చేసినందుకు అద్భుతమైన విజయంతో చిత్రబృందం నా మాట నిలబెట్టారు అన్నారు.
ఈ సినిమా విషయంలో నాగార్జున సపోర్ట్‌ను మరచిపోలేమని, విడుదలైన అన్ని కేంద్రాల్లో పాజిటివ్‌ టాక్‌ సొంతం చేసుకుందని చిత్ర నిర్మాత వెంకీ కుడుముల అన్నారు. సినిమా క్లైమాక్స్ లో ప్రేక్షకులందరూ చప్పట్లు కొడుతుంటే తొలి సినిమా నటుడిగా ఎంతో ఆనందం కలిగిందని, బ్యూటీఫుల్‌ లవ్‌స్టోరీ, యాక్షన్‌ కలబోసిన ఈ సినిమాను ప్రేక్షకులందరూ ఆదరిస్తున్నారని హీరో అనీశ్‌ తెలిపారు. సినిమా చూసినవాళ్లందరూ పాజిటివ్‌ ఫీడ్‌బ్యాక్‌ ఇస్తున్నారని దర్శకుడు మహేశ్‌ ఉప్పల ఆనందం వ్యక్తం చేశారు. ఈ కార్యక్రమంలో సంగీత దర్శకుడు తమన్‌తో పాటు చిత్ర బృందమంతా పాల్గొన్నారు.
